Etiketak: ‘Mini’

Mini WRC txapelketan

Igandea, Abuztua 8th, 2010 | Urkok idatzia

01697

Zurrumurru ugariren ondoren azkenean iritsi da Mini etxeak datorren denboraldian WRC txapelketan talde ofiziala izango duenaren baieztapen ofiziala. Itzulera honetarako udazkenean kalean izango den Countryman bertsioa aukeratu dute eta hasiera batean esan dutenaren arabera 2011. denboraldian ez dute proba guztietan parte hartuko. Lehenik eta behin kotxea lasterketa baldintzetan nola mugitzen den ikusi nahi dute eta 2012. urtean denboraldi osoa egingo omen dute. WRC Mini-a S2000 baldintzen arabera eraikiko dute eta 1.6 litroko BMW motorra erabiliko du. BMW etxeak esan duenez beraien asmoa denbora luzean munduko rally txapelketan lehiatzea da eta lehen garaipenak 2012. urtean bertan lortzea nahi dute, edo gutxienez garaipenaren borrokan sartuta ibiltzea.

Mini talde ofizialaz gain beste marka batzuek egiten duten bezala talde pribatuei kotxeak saltzeko prest agertu dira eta esan dutenaren arabera eskaerak onartzen hasteko prest omen daude. Urtea amaitu baino lehenago rallyetako lehenengo Miniak ikusteko moduan izango garela dirudi.

Etiketak: ,
Orokorrean atalean idatzia | Iruzkinak ezgaituta

Mini gama berritua 2011

Larunbata, Abuztua 7th, 2010 | Urkok idatzia

01662

Marka guztiek egiten duten bezala Mini etxeak bere autoen aurpegia berritu du. Oraingoan itxura eta ekipamendua berritzera mugatu dira motor aukera moldatu zutenetik ez bai da denbora asko pasa. Kanpoaldetik aldaketak aurrealdean eta atzealdean aurkituko ditugu. Aurreko kolpe-leungailua berriz diseinatu dute eta aire sarrera handiagoak ditu orain eta aldi berean oinezkoekin istripu bat izanez gero oinezkoak jasan ditzakeen kalteak murriztea lortu dutela diote. Atzealdean berriz larrialdietan argi gehiago egiten duten Led motako argiak ekarriko ditu etxetik jarrita. Barrualdean diseinu aldetik ia ez da berrikuntzarik egon eta botoiak lekuz aldatu edo formak aldatzera mugatu dira. Hori bai, karrozeriako kolore aukera zabaldu dute eta barruko tapizeria eskaintza ere berritu dute.

(gehiago…)

Etiketak: , ,
Auto berriak, Konpaktuak atalean idatzia | Iruzkinak ezgaituta

Mini Countryman 2010, prezioak

Asteartea, Ekaina 22nd, 2010 | Santik idatzia

01571

Irailerarte ez dira iritsiko lehen unitateak baina bitartean hauek dira izango dituen prezio ofizialak, kalkuluak egiten joan zaitezen:

- One 98 zaldi Countryman 20.800 euro
- One D 90 zaldi Countryman 22.200 euro
- Cooper 122 zaldi Countryman 23.700 euro
- Cooper D 112 zaldi Countryman 25.000 euro
- Cooper D 112 zaldi Countryman 4×4 27.800 euro
- Cooper S 184 zaldi Countryman 28.950 euro
- Cooper S 184 zaldi Countryman 4×4 30.700 euro

Serietik ekarriko ditu ABS+EBD, CBC bihurguneetan balaztatzeko laguntzailea, DSC estabilitate kontrola, direkzio lagundu elektrikoa, 6 airbag, klimatizagailua, sabaiko barrak, lehio eta ispilu elektrikoak, barneko ordenagailua eta MP3 CD irratia gutxienez. Eta bai, nahiko garestia iruditzen zaigu ia 21.000 euro ordaintzea 100 zalditik beherako auto batengatik.

Etiketak: ,
4x4, Auto berriak atalean idatzia | Iruzkinak ezgaituta

Mini gamaren prezioak

Asteazkena, Martxoa 3rd, 2010 | Santik idatzia

01114

Aurrekoan jakinerazi genizkizuen Mini modeloek izan dituzten aldaketak motorrei dagokienez eta oraingoan prezio berriekin gatoz. Mini guztiek serietik ESP, TCS, ABS, EBD, Hill Holder, 6 airbag, direkzio lagundua, lehio elektrikoak, itxitura zentralizatua urruneko kontrolarekin, MP3 soinu ekipoa eta gurpillen presio ohargailua ekartzen dituzte:

(gehiago…)

Etiketak:
Auto berriak, Konpaktuak atalean idatzia | Iruzkinak ezgaituta

Mini CountryMan

Igandea, Urtarrila 24th, 2010 | Santik idatzia

00937

Duela urte batzuk Bmw markak Mini marka ingelesa erosi zuenean inork ez zuen pentsatzen nolako arrakasta izango zuen merkatuan. Denok gogoan daukagu telebistan Mr Bean saioan agertzen zen ibilgailu txiki hura, abiada bizian joan eta edozein zirrikitutatik erraz igarotzen zena. Alemaniarrek bete betean asmatu zuten ibilgailu hau berpiztuz eta orain klasiko bat izateaz gain mito bat ere bada. Gaur egungo gama ez da oso zabala baina mota guztietako gidarientzat bertsioak eskeintzen dituzte, dieseletatik hasi eta 200 zalditik gorako autoetaraino. Badirudi errepideetan ibiltzeaz aspertu egin dela Mini txikia eta mendira joatea erabaki du, CountryMan izeneko 4×4 ibilgailua kaleratuz.

(gehiago…)

Etiketak: ,
4x4, Auto berriak atalean idatzia | Iruzkinak ezgaituta

Aldaketak Mini markako motorretan

Larunbata, Urtarrila 16th, 2010 | Santik idatzia

00889

Emisioen eta kontsumoen murrizketa helburu harturik, Mini markak bere modeloetan gasolina motorrak ordezkatuko ditu udaberrian. Hasteko gasolinazko 1.4 75 eta 95 zaldikoak desagertu egingo dira gamatik, beraien ordez 75 eta 98 zaldiko 1.6 gasolinak erabiliko dira. Ikusten duzuen bezala potentzia berdinekoak dira baina eraginkorragoak.

(gehiago…)

Etiketak: , , ,
Auto berriak, Konpaktuak atalean idatzia | Iruzkinak ezgaituta

Mini Cooper John Works Championship 50

Astelehena, Azaroa 16th, 2009 | Santik idatzia

00584

Beste bat, aurreko egunean Camden eta Mayfair bertsioak agertu ziren Mini markaren 50 urteak ospatzeko aitzakia erabiliz eta orain hirugarren bertsio bat kaleratuko dute. Kasu honetan motorrik indartsuena darama eta John Works Championship 50 izenez ezagutuko da.

(gehiago…)

Etiketak: ,
Auto berriak, Konpaktuak atalean idatzia | Iruzkinak ezgaituta

Mini Cooper Camden eta Mayfair

Larunbata, Azaroa 7th, 2009 | Santik idatzia

00554

Mini markaren 50 urteak ospatzeko bi serie berezi kaleratu dira gure merkatuan, Cooper Camden eta Cooper Mayfair izenekoak, Londreseko bi auzo ezagunen omenez. Ohiko motorrekin dago eskuragarri: 1.6i 120 zaldi, 1.6 Turbo 177 zaldi eta 1.6 diesela 109 zaldirekin. Ondoren ekipamendu zerrenda eta prezioak:

(gehiago…)

Etiketak: ,
Auto berriak, Konpaktuak atalean idatzia | Iruzkinak ezgaituta

Mini One D

Asteazkena, Abuztua 5th, 2009 | Santik idatzia

00150

Bmw markak, Mini markaren jabeak, PSA (Peugeot-Citroen) taldearekin duen lankidetzaren ondorioz One D modeloak 90 zaldiko 1.6 diesel motorra erabiliko du. Beste Mini autoetan ere elkarbanatzen dituzte gasolinazko 1.6 turbo motorrak. Eskaerak egin daitezke baina autoak ez dira jasoko Iraila hasi arte.

(gehiago…)

Etiketak: ,
Auto berriak, Ekologikoak, Konpaktuak atalean idatzia | Iruzkinak ezgaituta