MOTORRA.EU – Motor munduko berriak euskaraz

Ez da hilabete bat igaro ix35 modeloa kaleratu zenetik eta hasi dira ekipamendu maila berriak agertzen. Lehenik Sky izeneko maila bat agertu da eta duen aldaketa bakarra eguzki sabai panoramiko bat daramala da urruneko kontrolarekin. Hauek dira prezioak:

• 2.0i 16v 163 zaldi Classic Sky 23.250 euro
• 2.0 CRDI 136 zaldi Classic Sky 24.750 euro
• 2.0 CRDI 136 zaldi Comfort Sky 26.500 euro
• 2.0 CRDI 136 zaldi Comfort Sky 4WD 28.250 euro

Bigarrenez 163 zaldiko gasolina motorrak orain 4 gurpilletara trakzioa darama eta serietik 6 abiadurako kanbio automatikoa ekarriko du. Logikoa den moduan prestazioak galtzen ditu, 100 km/ordura 11,3 segundutan iristen da eta 175 km/ordu har ditzake. Prezioak ere gorantz egin du, 27.500 eurotan geldituz Confort izeneko ekipamendu mailarekin.

Kalean dago Hyundai markaren azken 4×4 ibilgailua, ix35 berriak Tucson zaharra ordezkatzen du eta 4,41 metroko luzera dauka, begiratzen den lekutik begiratuta alderdi guztietan gainditzen du aurreko bertsioa. Gasolina motor bat eta bi diesel daramatza. Badakigu dieselak eramaten dituztela salmenta kopuru haundienak eta kasu honetan ere gasolinazko bertsioa diskriminatu egin dute, ezin bait du 4 gurpilletarako trakziorik eraman. Hauek dira bertsio guztien prezioak eta 3 ekipamendu mailen xehetasunak:

(gehiago…)

Hyundai Tucson modeloaren ordezkoa salgai jarriko da gure merkatuan egun gutxi barru eta ix35 izenarekin ezagutuko da. Marka korearrak kalitatea izugarri igo du bere produktuetan eta horregatik ematen da izen aldaketa hau, erosleak ez erlazionatzeko lehengo ibilgailu zaharrekin. Gauza bera egin da i10, i20 edo i30 kasuetan.

Bi gasolina eta 3 diesel izango ditugu gama barruan: 149 zaldiko 1.6i, 163 zaldiko 2.0i, 115 zaldiko 1.7 CRDI, 136 zaldiko 2.0 CRDI eta amaitzeko 184 zaldiko 2.0 CRDI motorrak. Ez dauzkagu oraindik prezio eta ekipamendu zehatzak baina badakigu 22.000tik 32.000 euro bitartean mugituko direla.