MOTORRA.EU – Motor munduko berriak euskaraz

Beste albiste batean erakutsi genizkizuen bertsio berritu honek izango zituen prezioak eta gaurkoa hauen zuzenketa txiki bat da. 115 zaldiko 1.6 CRDI motorra gamatik desagertu da 140 zaldiko 2.0 CRDI motorrarekin batera eta bi hauen ordez 128 zaldiko 1.6 CRDI berria aurkituko dugu. 140 zaldiko 2.0 gasolina motorra ere ihadanik ez dago eskuragarri. Autoaren diseinuak oso aldaketa txikiak jasan ditu eta modeloaren izenari U hizkia erantsi diote amaieran. Ekipamendu mailen xehetasunak ere eskuratu ditugu argazki berri batzuekin lagundurik:

(gehiago…)

Hyundai markak i20 konpaktu txikiari ekipamendu mailetan aldaketak egitea erabaki du, inork erosten ez dituen motor konbinazioak kenduz eta serietik elementu gehiago sartuz. Horrela gelditzen dira 3 ekipamendu mailak eta beraien prezioak:

- Classic: aire girotua, direkzio lagundua, lehio elektrikoak, itxitura zentralizatua, ABS+EBD, 6 airbag, Bluetooth sistema eta MP3 CD irratia besteak beste.

- Comfort: lainotako argiak, USB hargunea, barneko ordenagailua, alboko ispilu elektrikoak eta narruzko bolantea gehitzen zaizkio.

- Style: eguzki sabai elektrikoa, klimatizagailu automatikoa, alarma, atzeko lehio elektrikoak, irratiaren botoiak bolantean, ESP estabilitate kontrola, TCS trakzio kontrola eta aleaziozko gurpillak gehitzen zaizkio.

• 1.2i 16v 78 zaldi Classic 3 ate 11.910 euro
• 1.2i 16v 78 zaldi Classic 5 ate 12.410 euro
• 1.2i 16v 78 zaldi Comfort 5 ate 13.150 euro
• 1.4i 16v 100 zaldi Comfort 5 ate 13.850 euro
• 1.6i 16v 126 zaldi Style 5 ate 16.450 euro
• 1.4 CRDi 75 zaldi Comfort 3 ate 14.650 euro
• 1.4 CRDI 90 zaldi Comfort 3 ate 14.950 euro
• 1.4 CRDI 90 zaldi Comfort 5 ate 15.350 euro
• 1.6 CRDI 126 zaldi Style 5 ate 18.450 euro

Hyundaik i30 modeloari egin dizkion aldaketen ondoren prezio zerrenda berriak dauzkagu. Haseran gainera 1.500 eta 3.000 euro bitarteko deskontuak eramango dituzte. Harrigarria da baina web ofizialean oraindik bertsio zaharra agertzen da, joan litezke pixka bat gaurkotzen.

• 1.4i 109 zaldi Classic 13.550 euro
• 1.4i 109 zaldi Comfort 15.050 euro
• 1.6i 126 zaldi Style 16.550 euro
• 1.6 CRDI 90 zaldi Classic 13.050 euro
• 1.6 CRDI 90 zaldi Comfort 15.550 euro
• 1.6 CRDI 128 zaldi Style 18.050 euro
• 1.6 CRDI 115 zaldi Style Automatikoa 19.150 euro
• 1.6i 126 zaldi CW familiarra Style 18.990 euro
• 1.6 CRDI 90 zaldi CW familiarra Comfort 19.760 euro
• 1.6 CRDI 128 zaldi CW familiarra Style 21.990 euro

Eskeintza hauek irauten duten bitartean bertsiorik merkeena 90 zaldiko diesela izango da harrigarria badirudi ere, diesel bat gasolina baino merkeago.

Nahiz eta kalitate txarreko argazki bat bakarrik dagoen badakigu udara honetan i30 modeloak aldaketa arin batzuk jasoko dituela. Lehen begiradan aurreko kolpe leungailu desberdina ikusten dugu, lainotako argien posizioa eta parrilla aldatu dira. Barrukaldean material hobeagoak erabili omen dira baina orokorrean ez dago desberdintasun haundiegirik bertsio zaharrarekiko.

Motorretan baditugu aldaketak, sarrerako bertsio moduan 1.4 litroko 109 zaldikoa topatuko dugu eta ondoren 1.6 litroko CVVT 126 zaldikoa zeinek Start&Stop sistema eramango duen erresistentzia baxuko gurpillekin batera. Dieselean aurreko 115 zaldiko 1.6 CRDI motorrak orain 126 zaldi ditu eta betiko 90 zaldiko 1.6 CRDI  motorrarekin osatuko da gama. Modelo hau arrakasta lortzen dabil Kia Ceed-arekin batera, kalitate prezio egokia daukatelako.

Hyundai markak ere prest ditu I30 modeloaren bertsio ekologikoak, Blue abizenarekin ezagutuko dira. Beti bezala zentralitan aldaketak, martxa luzeagoak, Start&Stop eta aerodinamika hobetua erabiliz kontsumoak jaistea lortzen dute, motor batzuetan egoeraren arabera ia 2 litro gutxiago.

Hyundaik ez du modelo bakarra kaleratuko, baizik eta ekipamendu maila bat bezala aukeratzea posible izango da, guk nahi dugun motorrarekin: 1.4 CVVT (109 zaldi), 1.6 CVVT (126 zaldi) eta 1.6 CRDI (90 edo 115 zaldi) motorrekin hain zuzen. Diesel motorrek ez dute matrikulazio zergarik ordainduko.

Ez dago zalantzarik, auto elektrikorik ez daukaten autogileak atzean geldituko dira beraien lehiakideen aurrean. Japoniarrak ari dira gehien mugitzen gai honetan baina korearrak ere hasi dira esnatzen. Azken aldian gama osoa berritzen dabil Hyundai eta modelo berri guztiei izen berriak jartzen dizkiote, i30, i20, i10 eta laister i40.

Kasu honetan i10 modeloa egokitu dute elektrizitatearekin soilik ibili dadin, bi urte barru iritsiko da gure merkatura. 67 zaldiko motor elektrikoa darama eta energia polimerozko litio ioi baterietan gordetzen da. 130 km/orduko abiadura lor dezake eta 100 km/ordura 15 segundutan iristen da. 415 boltioko kargatzaile berezi batekin 15 minutuan %85 kargatzen dira bateriak, bestela 220 boltiorekin 5 ordu behar ditu. Guztira 160 kilometroko autonomia dauka.

Ez daukagu preziorik baina zihurrenik i10 arrunt baten bikoitza balioko du.

Hyundaik bere i20 modeloarentzat motor berriak aurkeztu ditu:

- 1.4i gasolina 100 zaldi, 5,2 l/100 km eta 13.850 euro.

- 1.4 CRDi diesela 90 zaldi, 4,4 l/100 km eta 15.350 euro.

- 1.6 VVT 126 zaldi, 5,9 l/100 km eta 16.450 euro.

- 1.6 CRDi 115 zaldikoa eta 4,5 l/100 km. Ez dakigu preziorik.

- 1.6 CRDi 128 zaldikoa, 4,5 l/100 km eta 18.450 euro.

Motor hauek Kia markarekin elkarbanatzen ditu eta adibidez 1.6 motorrak Kia Soulean aurki daitezke.