Kontzesionarioak - Autosaltokiak - Dendak - Tailerrak - Karrozeriak - Aseguruak - Zerbitzuguneak
Autoeskolak - Alokairuak - Garabiak - Txatartegiak - Aisialdia - Garbiketak - Autobusak - Garraioak
Errotuluak - Karabanak - - - - - - - - - - Aurki itzazu Herriz-Herri
Honda apostu gogorra egiten ari da teknologia hibridoaren alde eta gaur egun mota honetako 3 auto dauzka salgai: Civic, Insight eta CR-Z modeloak. Orain badirudi Jazz monobolumen txikiak ere bere bertsio hibridoa jasoko duela, gamako laugarrenean bihurtuz. Bere anaia haundiek daramaten sistema elektriko bera erabiliko du baina kasu honetan elektrizitateaz bakarrik mugitzeko gai izango da, gasolina motorra erabili gabe kilometro pare batean behintzat.
Dirudienez abenduan Honda marka japoniarrak bere autorik deportiboena merkatutik kentzeko asmoa du, Civik konpaktuan oinarriturik dagoen Type-R basatiaz gabiltza hizketan. Kapota azpian daraman motorra merkatuan dagoen bizienetakoa da, 2 litroko motor atmosferikoak turborik erabili gabe 200 zaldi ematen ditu eta 9.000 bira/minuturaino igotzen da, gozamen bat izan behar du mekanikaren zarata entzutea bira/min horietan.
Gainera merkatutik kentzearen arrazoia ez da salmenten kopurua baxua delako, alderantziz, nahiko ondo saltzen da baina tamalez ez du emisioen Euro5 legedia gainditzen. Beste merkatu batzuetan salgai jarraituko du, legeak bigunagoak direlako. Auto honek 235 km/orduko abiadura maximoa dauka, 100 km/ordura 6,6 segundutan iristen da eta bataz beste 9,1 litro erretzen ditu 215 gramu CO2 emisioekin.
Konpaktu deportiboak begiratzen bazabiltza zihur aurkituko dituzula abendura bitartean eskeintza ederrak unitate bat baino gehiagotan.
Badugu beste hibrido bat gure artean, Honda CR-Z modeloa hain zuzen, marka japoniarraren hirugarrena bere katalogoan. Ez da denbora asko berari buruz idatzi genuela eta irakurri nahi baduzue egin klik hemen. Guztira 124 zaldiko potentzia du, 10 segundutan lortzen ditu 100 km/orduak eta bataz beste 5 litro gasolina erre. Orain ekipamendu mailak eta prezioak jakitea bakarrik falta zaigu:
Hondak Civic Sport bertsioa ikutu du eta izaera berri bat eman nahian edo GT Sport izena jarri dio. GT siglak (Gran Turismo) izaera deportiboa ematen diotela pentsatzen lagundu dezakete baina errealitatea oso bestelakoa da kotxeak izan duen berritua ez bai da beste munduko ezer. Momentuan bertsio berri hau soilik hamasei balbula dituen 1.8i gasolina motorrarekin edo gasoliozko 2.2i cdti motorrekin aukeratu ahalko da eta biek 140 zaldiko indarra dute. Hondak eman dituen datuen arabera bi motorren gehieneko abiadura 205 kilometrotakoa da eta gasolinak 6,7 litroko kontsumoa duen bitartean dieselak 5,3 litro behar ditu ehun kilometroan. Kanpotik egin diren berrikuntzen artean deigarrienak dira aurreko parrilla berriz diseinatu dela, hamazazpi bulkadako hagunak berriak direla edo ateetako helduleku kromatuak. Hori bai, GT Sport bertsioa momentuan soilik bost ateko karrozeriarekin salduko da.
Barruan berriz eserlekuetan ohial/larrua konbinatu dute eta pedalak aluminioz eginak dira. Ekipamendua berriz Sport modeloaren antzerakoa da eta bertan aurkituko ditugu VSC egonkortasun sistema, barruko ordenagailua, abiadura kontrola, lainotako argiak, euri eta argi sentsoreak, klimatizagailua edo USB konexioa duen MP3-CD irratia besteak beste. Azkenik esan behar gasolinako motorra duen modeloak 21.800 euro balio dituela eta dieselak berriz 23.800 euro.
Auto elektrikoak merkatuaren jabe egingo direla nahiko garbi dago baina egun hori iritsi bitartean ibilgailu hibridoak dira kontuan hartzeko aukera errepidean lan egiten dutenentzat. Momentuan ez dira taxi hibrido asko ikusten kaleetan, hemen inguruan badabiltza Toyota Prius bakar batzuk baina datozen hilabeteetan gauza aldatu egin daiteke Hondaren asmoak betetzen badira behintzat. Insight eta Civic Hibryd modeloak eskainiko ditu Europa osoan taxi gidariei zuzenduta eta lanerako prestaturik egongo dira: aginte-panelean taximetroarentzat konexioa, sabaian taxi seinalea jartzeko euskarria eta plastikozko alfonbra gogorrak etxetik jarrita etorriko dira.
Ekipamendu gehigarria izatea ondo dago baina benetan interesgarria taxi bertsioen salneurria izango da. Hondak esan duenez Alemanian Insight modeloak 15.990 euro balioko ditu eta Civic Hibryd taxiak berriz 17.990 euro. Eskaintza erakargarria izan daiteke kontuan izaten badugu Insight merkeenak 19.800 euro balio dituela eta Civic Hibryd batek 24.900 euro. Prezioan izango duten deskontuaz gain baloratu behar dugu Insight modeloak ehun kilometroan 4,4 litroko kontsumoa duela eta Civic Hibryd modeloak berriz 4,9 litro. Norbaitek pentsa dezake edozein dieselek gutxiago erretzen duela baina oker dago zeren herri barruko kontsumoak begiratuz ez dago hibridoen parera gerturatzen den modelorik eta denok dakigu taxi batek egiten dituen kilometro gehienak bertan egiten direla. 3 urteko edo 300.000 kilometroko bermea dauka, bietan lehenik igarotzen dena.
Kaleratu dira Honda CR-V berrituaren prezioak, 6 ekipamendu maila eta 2 motor 150 zaldikoak, bata gasolina eta bestea diesela. Gasolinazko 2.0 iVTEC motorrak 10.2 segunduan lortzen du 100 km/orduko abiadura, bataz beste 8,2 litro erretzen ditu eta 190 km/orduko abiadurara iris daiteke. Dieselean 2.2 iDTEC motorrak 9.6 segunduan lortzen du 100 km/orduko abiadura, bataz beste 6,5 litro erretzen ditu eta 190 km/orduko abiadurara iris daiteke. Kanbio automatikoa diesel motorrekin konbinatu daiteke 1.600 eurogatik Comfort ekipamendu mailan izan ezik. Prezioak horrela gelditzen dira:
Gaur egun gure merkatuan saltzen diren hibridoei begiratzen badiogu bi marka japoniar aurkituko ditugu lehia bizian, alde batetik Toyota (Lexus) bere Prius modeloarekin eta bestetik Honda bere Civic eta Insight modeloekin. Une hauetan Prius modeloa nagusi dago mundu osoko hibridorik salduena izanik eta horregatik Hondak hirugarren modelo berri bat kaleratzea erabaki du, CR-Z izenez ezagutuko da eta merkatuko hibridoen gamarik zabalena osatuko du.
Honda CR-V modeloak aldaketa txikiak jasoko ditu laister hasiko den urte berrirako, kanpokaldean kalandra eta kolpe leungailu berriak ikus ditzakegu, 17 eta 18 pulgadatako hagun ezberdinak, soinu ekipo hobeagoak eta amaitzeko motorrean hobekuntzak.
2.2i-DTEC diesel motor berriak 150 zaldiko indarra dauka eta 5 abiadurako kanbio automatikoarekin eskuratu daiteke nahi bada. Motor honek aurreko 2.2 i-CTDI 140 zaldikoaren datu guztiak hobetzen ditu, gutxiago errez eta gehiago ibiliz. Ekipamendu elementu berrien artean talka aurreko babes sistema eta abiadura kontrol aktiboa aurkitzen dira.
Lehengo egunean Chevrolet bazen bere Camaroarekin gaurkoan Mugen da, beti japonian bakarrik saldu du eta orain Europara etorriko da. Prestatzaile honek Honda autoak hobetzen ditu kit estetikoak jarriz eta motorrak indartuz.
MOTORRA.EU – Motor munduko berriak euskaraz sortzeko
WordPress erabili da.
Albisteak (RSS)
eta Iruzkinak (RSS). Guztira bisitari desberdin.