Etiketak: ‘Corsa’

Opel Corsa eta Agila ecoFlex

Astelehena, Uztaila 26th, 2010 | Santik idatzia

01614

Opel markak Corsa eta Agila modeloentzat ecoFlex Technology izeneko pakete bat aurkeztu du, Start&Stop, erresistentzia baxuko gurpillak eta balazteketen energia gordetzeko sistemak gehituz serieko bertsioei. 350 euro gehiagogatik eskuratu ahalko da eta aginte paneletik desaktibatu daiteke. Bateria hobeagoa darama, motorra itzaltzean klimatizagailua ere itzalita gelditzen da eta bigarren ur bonba bat darama aire girotuaren sistemarako. Bi ibilgailuak urbanoak direla esan daiteke, hiri barneko semaforo eta auto-ilaretan ibiltzeko ez daude gaizki.

Corsa konpaktuan 75 zaldiko 1.3 CDTI diesel motorrarekin lotu daiteke eta bataz besteko kontsumoak 4 litrora jaisten dira, CO2 emisioak 105 gramukoak izanik.

Agila monobolumen txikian berriz 86 zaldiko 1.2i gasolina motorrarekin joango da eta kontsumoak 5 litroraino jaisten dira, CO2 emisioak 116 gramuan geldituz.

Etiketak: , ,
Auto berriak, Konpaktuak atalean idatzia | Iruzkinak ezgaituta

Opel Corsa 2010

Larunbata, Otsaila 27th, 2010 | Santik idatzia

01102

Kasu honetan Corsa modeloak ez du aldaketa estetikorik jasan eta hobekuntza guztiak mekanika arlora bideratu ditu Opel markak. Ia motor guztiak berrikusi dituzte potentziak igoz eta kontsumoak jaitsiz. Aipagarria da diesel guztiek ez dutela matrikulazio zergarik ordainduko kilometroko 120 gramu CO2 baino gutxiago isurtzeagatik, 130 zaldiko 1.7 CDTI indartsuenak bataz beste 4,5 litro erretzen dituelako eta 1.3 CDTI Ecoflex bertsio ekologikoa da aurrezleena 3,8 litroko kontsumoarekin. Gasolinan 1.0, 1.2 eta 1.4 motorrak ere libratzen dira 5 eta 5,5 litro bitarteko kontsumoak izatean. Guzti hau lortzeko olio bonba, direzkio elektrikoa, esekidura sistema guztia, txasisa eta motorraren programazioak eguneratu dituzte.

Prezio hauek 3 atekoarenak dira eta 5 atekoari 500 euro gehitu behar zaizkio:

(gehiago…)

Etiketak: ,
Auto berriak, Konpaktuak atalean idatzia | Iruzkinak ezgaituta

Opel Corsa 111 Years

Larunbata, Urtarrila 2nd, 2010 | Santik idatzia

00815

Zafira modeloarekin egin duten moduan Opel markak bere Corsa modeloaren edizio berezi bat kaleratu du “111 Years” izenarekin alemaniarren 111 urteak ospatzeko. Serietik ondorengo elementuak ekarriko ditu: ABS + EBD, direkzio lagundua, lehio elektrikoak, itxitura zentralizatua, barneko ordenagailua, MP3 CD irratia, narruzko bolante funtzio anitzduna, aire girotua eta 6 airbag.

Prezioak 13.800 eurotik hasten dira 85 zaldiko 1.2i motorrarekin eta hauen artean aukeratu dezakegu: 85 zaldiko 1.2i (Automatikoa aukeran), 100 zaldiko 1.4i, 75 zaldiko 1.3 CDTI eta 95 zaldiko 1.3 CDTI (Automatikoa aukeran).

Etiketak: ,
Auto berriak, Konpaktuak atalean idatzia | Iruzkinak ezgaituta

Aldaketak Opel Corsaren motorretan

Asteazkena, Azaroa 18th, 2009 | Santik idatzia

00592

Opel Corsa modeloaren motorretan aldaketa txiki batzuk sartuko dituzte hurrengo asteetan zehar, ez dago motor berririk, oraingoen gainean zaldi batzuk gehiago izango dituzte eta aldi berean emisio gutxiago. Horrela geldituko da motorren aukera:

- 1.0i gasolina 60 zalditik 65 zaldira

- 1.2i gasolina 80 zalditik 85 zaldira

- 1.4i gasolina 90 zalditik 100 zaldira

- 1.3 CDTI diesela 90 zalditik 95 zaldira

- 1.7 CDTI diesela 125 zalditik 130 zaldira

Honetaz gain gidatzean kanbio egokiak gomendatzeko sistema agertuko da Corsa modeloarentzat, sistema honek uneoro zein martxa den eraginkorrena esaten du eta erregaia aurrezteko helburua dauka. Prezioak zihurrenik ez dira aldatuko.

Etiketak: ,
Auto berriak, Konpaktuak atalean idatzia | Iruzkinak ezgaituta

Opel Corsa Ecoflex

Ostirala, Azaroa 6th, 2009 | Santik idatzia

00548

Hemen inork ez du atzean gelditu nahi kontsumo baxuko autoen lasterketan, egunetik egunera gero eta modelo gehiago ikusten ditugu 4 litrotik behera jaisten dituztenak. Gaurkoan Opel Corsa Ecoflex berria aurkeztuko dizuet, orain salgai dagoen bertsioren eboluzioa da (75 zaldi eta 4,5 litro) eta 2010 urte haseran salduko da.

Motorrak egindako hobekuntzei esker 95 zaldi ditu orain (20 zaldi gehiago) eta bataz besteko kontsumoa 3,7 litroraino jaistea lortu dute (0,8 litro gutxiago). Aurrera pauso nabarmena eman du bertsio honek, askoz indartsuagoa da baina aldi berean CO2 emisioak 98 gramuraino jaisten ditu. Abiadura maximoa 177 km/ordukoa da eta 12,3 segundutan lortzen ditu 100 km/ordu. Iragazki filtroa, kontsumo baxuko pneumatikoak eta 5 abiadurako kaxa daramatza. Zihurrenik prezioak ez dira asko aldatuko une honetan saltzen dagoen modeloarekiko.

Etiketak: ,
Auto berriak, Ekologikoak, Konpaktuak atalean idatzia | Iruzkinak ezgaituta