PSA taldeak hirugarren marka bat nahi du, Peugeot eta Citroen markez gain kostu baxuko autoak egiteko beste marka bat behar omen dute. Eta informazio guztien arabera aukeratua duela urte batzuk desagertu zen Talbot marka izan daiteke. Erabaki hau Renaultek Dacia markarekin izaten dabilen arrakasta ikustean hartu dute, gaur egun krisiaren erruz erosle askok oinarrizko autoak nahi dituzte, inolako txorakeriarik gabekoak, motor fidakorrak eta prezio merkeekin.
Bestalde garapen bidean dauden herrialde txiroetan kostu baxuko autoak merkatuan nagusi dira eta pastelaren zati hori ez dute galdu nahi frantziarrek, adibidez Txina, India, Errusia edo Brasil bezalako merkatu erraldoietan. Imaginatuko duzuen bezala zalantza guztiak Pariseko auto erakusketan argituko dira.
Estrategia hau marka nagusiaren izen ona ez galtzeko erabiltzen da, kostu baxuko autoekin ez erlazionatzeko. Horrela adibidez Dacia markako modelo bat oso txarra irteten bada, pertsona askok ez dakite marka horren nagusia Renault dela.