Motor hau familiar bertsioan agertu zen lehenik Ibiza modeloan eta orain 5 edo 3 ateko konpaktuarekin ere erosi daiteke. Horrela 105 zaldiko 1.2 TSI motor honek potentzia bereko 1.6i zaharra desagertarazten du katalogotik. Pentsatuko duzuen bezala belaunaldi berriko motorra izanik prestazio hobeagoak ematen ditu kontsumo baxuagoekin. Abiadura maximoa 190 km/ordukoa da, nahikoa ditu 9,8 segundu 100 km/ordura azeleratzeko eta bataz beste 5,9 litro gasolina erretzen ditu 139 gramuko CO2 isuriekin. Eskuzko kanbioarekin Start&Stop sistema loturik doa baina ez DSG kanbio automatikoarekin. Hauek dira prezio guztiak:

• Ibiza 1.2 TSI 105 zaldi S&S Style 17.710 euro
• Ibiza 1.2 TSI 105 zaldi DSG Style 18.600 euro
• Ibiza 1.2 TSI 105 zaldi S&S Sport 18.070 euro
• Ibiza 1.2 TSI 105 zaldi DSG Sport 18.950 euro
• Ibiza 3 ate 1.2 TSI 105 zaldi S&S Style 17.190 euro
• Ibiza 3 ate 1.2 TSI 105 zaldi DSG Style 18.080 euro
• Ibiza 3 ate 1.2 TSI 105 zaldi S&S Sport 17.550 euro
• Ibiza 3 ate 1.2 TSI 105 zaldi DSG Sport 18.430 euro

Ford etxeak Erresuma Batuan GPS integratua duen atzerako ispilua eskaintzen hasi da. MirrorNavi izena jarri diote asmakizunari eta atzerako ispiluan 3,5 bulkadako nabigatzailea integratzea lortu dute. Baliteke batzuentzat pantaila txikia izatea baina kontuan izan behar dugu eskuko nabigatzaileen pantailak tamaina bera dutela. Momentuan soilik Erresuma Batuan eskainiko dute baina etorkizunean Europako beste herrialde batzuetara zabalduko dutela aurreikusten da.

Ezaugarri teknikoei dagokionez aurretik esan bezala 3,5 bulkadako pantaila du eta hatzarekin ibili daiteke. MirrorNavi hau egiteko Garmin markako nabigatzailean oinarritu dira eta 70 herrialdetako mapak izango ditu bere barne memorian. Gidariak bere beharren arabera mapak bi edo hiru dimentsioetan ikusi ahalko ditu eta gidatzen ari den bitartean ahozko aginduak jasoko ditu. Herrialde berrietako mapak behar izanez gero SD txartel irakurlearen bidez sartu ahalko ditugu. Ford etxeak eskaintzen duen sistema hau kotxean nabigatzailea integratua izatea baina merkeagoa da, salneurria 360 eurotakoa da eta horri lan-eskua gehitu behar zaio.

Beraz, nor izan daiteke faboritoa? Latvala eta Hirvonen denboraldia konpontzen saiatuko dira baina Sebastien Ogier talde ofizialera itzuli da eta kontuan izan behar dugu denboraldi honetan Ford autoak ez  direla ongi ibili garaiera altuetan egin diren lasterketetan. Japoniako rallyaren egoitza Sapporo hirian ezarri zuten 2008. urtean eta garaiera altuan dauden mendi bideetan ibiliko dira. Urte sasoi honetan euria eta hezetasuna nagusi izaten dira Japonian eta horrek eragina izaten du lasterketako tramu desberdinetan. Kotxeak pasatzen diren lehenengo aldian bideak gogorrak egoten dira baina hurrengo sasoitan lurra asko biguntzen da eta lokatza agertzen da. Sebastien Loeb talde ofizialean izanik faborito nagusia izan daiteke baina ezin ditugu ahaztu Petter Solberg Norvegiarra edo Matthew Wilson gaztea. Ingelesak 2007. urtean laugarren amaitu zuen Japoniako proban eta aurtengoan ere emaitza bikaina lortu dezake.

Bere 5 eserlekuko anaiak bezala Grand C-Max monobolumenak ere bere bertsio guztien prezioak erakutsi ditu. Honek 2 eserleku gehiago izatean gain alboko ate lerrogarriak daramatza eta 95 zaldiko dieselaren ordez 163 zaldiko bat aurkitzen da gamako errege bezala. Bi diesel indartsuenek bakarrik eraman dezakete enbrage bikoitzeko kanbio automatikoa:

- 1.6 VCT 105 zaldi Trend 19.500 euro
- 1.6 SCTI Ecoboost 150 zaldi Titanium 23.250 euro
- 1.6 TDCI 115 zaldi Trend 22.300 euro
- 1.6 TDCI 115 zaldi First Edition 22.950 euro
- 1.6 TDCI 115 zaldi Titanium 24.050 euro
- 2.0 TDCI 140 zaldi Titanium 25.050 euro
- 2.0 TDCI 140 zaldi Titanium Powershift 26.550 euro
- 2.0 TDCI 163 zaldi Titanium Powershift 27.550 euro

Hemen dituzu 2 ekipamendu mailen xehetasunak:

- Trend: ABS + EBD, ESP + TCS, aldapan abiatzeko laguntza, 6 airbag poltsa, direkzio lagundu elektrikoa, lehio elektrikoak, barneko ordenagailua, itxitura zentralizatua urruneko kontrol bidez, alboko ispilu elektrikoak, beira tintatuak, MP3 CD irratia, bolante funtzioanitzduna eta lainotako argiak daramatza.

- Titanium: narruzko bolantea, bi zonatako klimatizagailu automatikoa, USB hargunea, euritako sentsorea, argiak pizteko sistema automatikoa, atzerako ispilu fotosentikorra, alboko ate lerrogarri elektrikoak, 16 hazbeteko hagunak eta dekorazio kromatua gehitzen zaizkio aurrekoari.

Ford markak ezarri ditu belaunaldi berriko C-Max monobolumenaren prezioak, kasu honetan 5 ateko bertsioari buruzkoak dira. 2 ekipamendu maila eta 5 motor daude hasera batean, First Edition izeneko edizio berezia lehen asteetan bakarrik egongo bait da salgai eskeintza moduan:

- 1.6 VCT 105 zaldi Trend 17.850 euro
- 1.6 SCTI 150 zaldi Titanium 21.900 euro
- 1.6 TDCI 95 zaldi Trend 19.950 euro
- 1.6 TDCI 115 zaldi Trend 20.950 euro
- 1.6 TDCI 115 zaldi First Edition 20.950 euro
- 1.6 TDCI 115 zaldi Titanium 22.700 euro
- 2.0 TDCI 140 zaldi Titanium 23.700 euro
- 2.0 TDCI 140 zaldi Titanium Powershift 25.200 euro

Hemen dituzu 2 ekipamendu mailen xehetasunak:

- Trend: ABS + EBD, ESP + TCS, aldapan abiatzeko laguntza, 6 airbag poltsa, direkzio lagundu elektrikoa, lehio elektrikoak, barneko ordenagailua, itxitura zentralizatua urruneko kontrol bidez, alboko ispilu elektrikoak, beira tintatuak, MP3 CD irratia, bolante funtzioanitzduna eta lainotako argiak daramatza.

- Titanium: narruzko bolantea, bi zonatako klimatizagailu automatikoa, USB hargunea, euritako sentsorea, argiak pizteko sistema automatikoa, atzerako ispilu fotosentikorra, 16 hazbeteko hagunak eta dekorazio kromatua gehitzen zaizkio aurrekoari.

Peugeot, Citroen eta Bmw marken artean garatutako 1.6 THP motor honek izugarrizko mesedea egiten die 3 autogileei, ia gamako auto guztietan erabiltzeko balio duelako: 207, 307, 3008, 5008, DS3, C4, DS4, Cooper, Countryman, Clubman, C4 Picasso edo C5 modeloetan adibidez. Orain Euro5 legedia gainditzeko aldaketa txiki batzuk jasan ditu eta bide batez 5 zaldi irabazi 155 zaldiko potentzian geratuz.

207 konpaktua erraz mugitzen du mekanika honek, 215 km/orduraino eramaten du, 8 segundutan iristen da 100 km/ordura eta bataz beste 6,8 litro gasolina erretzen ditu CO2 emisioak 159 gramukoak izanik kilometroko. 6 abiadurako eskuzko kanbioarekin loturik doa eta hauek dira une hauetako prezioak eskaintzak kontuan izanda:

- 207 GT 3 ate 1.6 THP 155 zaldi 17.440 euro

- 207cc deskapotablea 1.6 THP 155 zaldi 21.410 euro

Frantziarrekin jarraituz C4 berriaren ondoren konpaktu honen luxuzko bertsioa izango den DS4 modeloa aurkeztu digute. Kalitateari dagokionez C4 berriaren gainetik dago baita ere prezio aldetik. Citroen markak bere gama bikoiztu nahi du, bertsio arruntak alde batetik (Adibidez C3, C4, C5…) eta luxuzko bertsioak beste aldetik (DS3, DS4, DS5…). Horrela erosle gehiagorengana iristeko aukera dauka beste markei salmentak kenduz. DS4 berriarekin jarraituz jakin ezazue 4,27 metroko luzera daukala eta 5 ateko karrozeria, atzeko ateen heldulekuak kristalaren markuan gorderik ditu.

Motorrei dagokienez C4 berrian ikusitako mekanikak izango dira nagusi indar gutxikoak izan ezik. Dieselean 110 zaldiko 1.6 HDI eta 163 zaldiko 2.0 HDI motorrak izango ditugu. Gasolinan 3 dira aukeratuak, 120 zaldiko 1.6 VTI, 156 zaldiko 1.6 THP eta amaitzeko 200 zaldiko 1.6 THP Turbo indartsua, bataz besteko teorikoa 6,4 litrokoa dauka. Citroen markan inoiz ez da egon potentzia honetako konpakturik, ez C4, ez Xsara eta ezta ere ZX zaharretan. Motor guztiek 6 abiadurako kaxak izango dituzte eta aukeran dago CMP kanbio automatiko pilotatuak. Dieselek erregaia aurrezteko neurriak daramatzate: Start&Stop sistema, balaztaketetan energia gordetzeko sistema eta abar.

Ekipamendua ere oso aberatsa izango da maila baxuenetik hasita. Larrialdietako dei automatikoa, GPS nabigatzailea, abiadura kontrola, argi automatikoak, euritako sentsoreak, argi birakorrak edo errailez nahigabe ez aldatzeko sistemak aukeren artean bilatuko ditugu. Beste ezaugarri garrantzitsu bat kanbio automatikoetan palankaren desagerpena da, bolantearen ondoan kokatuko dira auto amerikarretan bezala eta esku frenua elektrikoa denez izugarrizko lekua gelditzen da gidariaren eskubikaldean hankentzako.

Diseinu aldetik bete betean asmatu dute eta nire ustez merkatuko konpakturik erakargarrienetako izateko aukera haundiak ditu.

Motor hauen deituran TDI hizkiak agertzean bat baino gehiago nahastu egingo da dieselak direlakoan baina gasolinazkoak dira. Hasera batean S60 eta V60 modeloetan ikusiko ditugu baina denborarekin suediarren gama osora zabalduko dira. Bi potentzia desberdinetan eskuratu ahalko dira 1.6 litroko gasolina motor berri hauek, 150 edo 180 zaldirekin. Aluminioz eginak daude, injekzio zuzena eta turboa erabiltzen dituzte potentzia horietara iristeko. Bietako indartsuenak enbrage bikoitzeko kanbio automatikoa eraman dezake eta biak Start&Stop sistemarekin erabat bateragarriak dira.

Ez dago esan beharrik mekanika eraginkorragoak direla, gehiago doaz eta aldi berean erregai gutxiago gastatzen dute. Gasolinaz aparte Bioetanolarekin ere funtzioatu ahal izateko moldaketak jarriko ditu Volvok erosleen eskura. 2011 urtean derrigorrezko den Euro5 legedia arazorik gabe gainditzen dute. Datu gehiago izatean albistea zabalduko dugu.

Citroen marka barruan ere nahiko mugimendu dabil egun hauetan, laister Pariseko auto erakusketa ospatuko da eta noski etxean  derrigorrez produktu berriak aurkeztea nahi dute. Hauetako bat C4 Picasso monobolumenaren aktualizazioa izango da, aurreko kolpe leungailu berriak 5 edo 7 ateko karrozerientzat, kolore gehiago, sabaia beltzean margotzeko aukera, gurpil desberdinak, elementu dekoratibo kromatuak, aurreko parrilla logotipo berriarekin eta egunerako LED argiak daramatza orain. Kanpotik itxurak ia berdin jarraitzen du, auto hau oso ongi saltzen da eta ez du merezi gehiegi ikutzerik. Aldaketa gehienak motorretan aurkituko ditugu, guztiek Euro5 legedia gainditzen dutelarik:

- 112 zaldiko 1.6 HDI berriak 109 zaldiko motor zaharra ordezkatuko du.

- 112 zaldiko 1.6 eHDI diesela, aurrekoaren berdina da baina erregaia aurrezteko zenbait sistema daramatza: Start&Stop, erresistentzia baxuko pneumatikoak, CMP kanbio pilotatu automatikoa eta abar. Horrela diotenez 4,8 litroko bataz bestekoak lortzen ditu 125 gramuko CO2 emisioekin.

- 150 zaldiko 2.0 HDI berriak 136 zaldiko motor zaharra ordezkatuko du.

- 163 zaldiko 2.0 HDI motorra izango da gamako indartsuena.

- 1.6 VTI gasolinak orain 122 ditu 120 beharrean.

- 1.6 THP gasolinak 156 zaldi ditu 150 beharrean.

Ekipamenduari dagokionez orain e-Touch sistema eskuragarri egongo da, telefono mugikor baten SIM trartela sartu behar zaio eta istripu bat izaten dugunean autoak berak deituko du larrialdietako zerbitzura gure kokapen zehatza azaduz. Matxura bat izaten badugu ere zuzenean deitu dezakegu Citroenen laguntza zerbitzura sistema honen bitartez.

Honda apostu gogorra egiten ari da teknologia hibridoaren alde eta gaur egun mota honetako 3 auto dauzka salgai: Civic, Insight eta CR-Z modeloak. Orain badirudi Jazz monobolumen txikiak ere bere bertsio hibridoa jasoko duela, gamako laugarrenean bihurtuz. Bere anaia haundiek daramaten sistema elektriko bera erabiliko du baina kasu honetan elektrizitateaz bakarrik mugitzeko gai izango da, gasolina motorra erabili gabe kilometro pare batean behintzat.

Serietik CVT motako kanbio automatikoa ekarriko du, gozotasuna eta erosotasuna bematuz. Guztira 97 zaldi ematen ditu 1.3 iVTEC gasolina eta motor elektrikoa elkartuz eta bataz besteko 4,4 litro inguruan kokatuko da. Ohikoa den moduan Start&Stop sistema, balaztaketetan energia biltzeko sistema edo erresistentzia baxuko gurpillak ere ekarriko ditu.

Azkenik kanpoko itxura ere desberdina izango da serieko bertsioetatik erraz banatzeko: kolpe leungailuak, aurreko parrilla edo argien formak aldatuz. Pariseko auto erakusketan izango ditugu datu gehiago. Gero eta modelo hibrido ugariago daude merkatuan eta honek denborarekin teknologia honen merketzea ekarriko duela uste dugu.