Porsche 918 Spyder prototipoa

Maiatza 20th, 2012 | Santik idatzia

Porsche markak arrunta ez den estrategia erabili du oraingoan 918 hibridoaren datuak erakusteko. Badakizue marka gehienak arazoekin ibiltzen direla zurrumurru eta argazki espiekin, denek nobedadeak ezkutuan gordetzea nahi izaten dituzte baina ia beti filtrazioak egoten dira komunikabideetan aurkezpenak izurratuz. Horrela Porschek zuzenean probatzen ari diren prototipoaren argazki ofizialak kaleratu ditu kamuflaje eta guzti, interneten dagoen jakingura asetzeko. Kanpotik baliteke oraindik diseinua pixkat aldatzea baina mekanika definitiboa dela dirudi.

Zehazki 570 zaldi ateratzen dituen 4.6 litroko V8 gasolina motorra ekipatuko du eta ardatz bakoitzari loturik bi motor elektriko edukiko ditu, bata aurreko gurpilletan eta bestea atzekoetan. 3 motorrak batera lanean dabiltzanean 770 zaldiko potentzia izango du deportibo alemaniarrak. Suposatzen da 4×4 trakzio sistemaren lana egingo dutela motor elektrikoek eta bataz bestekoak 3 litrokoak dira 100 kilometroan, sekulakoa benetan. Bateriak kargatzea posible izango da eta elektrizitatearekin soilik mugituz 25 kilometroko autonomia dauka. Prestazioak ez dituzte baieztatu baina 3 segundo azpitik azeleratuko luke 100 km/ordura eta abiadura maximoa berriz 300 km/ordutik gorakoa izango litzateke.

Deportiboak egiten dituzten markak beti kexatzen dira Euro6 bezalako kutsadura legediak betetzea ezinezkoa dela beraientzat baina hemen ikusten da nahi dutenean auto eraginkorrak garatzeko gai direla. Prezioa ordea 767.500 euroraino igoko omen da zergak gehitu ondoren, pezetatan 127 milio baino gehiago.

Etiketak:
Prototipoak atalean idatzia | 0 Iruzkin »

--> Igo gora <--

Mercedes Benz B250

Maiatza 20th, 2012 | Santik idatzia

Mercedes Benz marka beti erlazionatu izan da adineko jendearentzat diseinatutako autoak saltzearekin baina gazteak helburutzat hartu dituenetik gauzak asko hasi dira aldatzen. Klase B berritik adibidez unitate dexente ikusi ditut errepidean duela hilabete gutxi kaleratua izateko eta badirudi merkatuan harrera oso ona jaso duela. Horregatik gamara motor dinamikoagoak sartzea erabaki dute alemaniarrek, kasu honetan pipar pixkat duen gasolina erantsiko diote.

B250 izenez ezagutuko da 211 zaldiko 2.0i Turbo motorra daraman bertsioa eta momentuz gamako indartsuena izango da. Monobolumenen artean azkarrenetakoa dela esango nuke gainera; 350 Nm-eko azelerazio gaitasuna dauka, 100 km/ordura 6,8 segundotan iristen da, abiadura maximoa 240 km/ordukoa da eta 100 kilometro egiteko 6,4 litro gastatzen ditu 145 gramuko CO2 isurirekin. Serietik 7 abiadura dituen enbrage bikoitzeko kanbio automatikoarekin dator. Une hauetan ez dago prezio ofizialik gure merkaturako baina seguruenik 35.000 euro inguru kostatuko da.

Etiketak: ,
Auto berriak, Monobolumenak atalean idatzia | 0 Iruzkin »

--> Igo gora <--

Gorlako Igoera 2012, bideoa

Maiatza 20th, 2012 | Santik idatzia

Xirimiria eta euria tarteka izan genuen Bergaratik Azkoitiara doan Gorlako mendatean. Ez zen istripu larririk egon, horregatik dena borobil atera zen lasterketa mozketarik gabe. Ea hurrengoak ere horrela joaten diren. Denborak ez dira oraindik kaleratu, itxaroten nago…

Bideoak, Lasterketak atalean idatzia | 0 Iruzkin »

--> Igo gora <--

Gorlako Igoera 2012, denborak

Maiatza 20th, 2012 | Santik idatzia

Errepidea bustia zegoen arren azkenean monoplaza txikiak izan ziren nagusi, zehazki Sergio Varela izan zen probako irabazle absolutua. Autoen kategorian berriz David Ardions kokatu zen lehen postuan eta Formula librean Txus Jaio. Hauek dira denbora ofizialak:

1. Sergio Varela – Silver Car – 02:55,747
2. Ruben Nogueiras – Silver Car – 02:56,939
3. Aitor Arakistain – Silver Car – 02:58,745
4. Aitor Zabaleta – Lola Bmw – 03:00,100
5. David Ardions – Mitsubishi Evo – 03:01,130
6. Txus Jaio – Bmw 320i – 03:06,057
7. Iban Tarsicio – Mitsubishi Evo – 03:07,896
8. Jon Etxeberria – Renault Clio – 03:08,850
9. Joseba Iraola – Silver Car – 03:09,184
10. Asier Mugarza – Renault Clio – 03:11,851
11. Iker Barruetabeña – Speed-Car – 03:13,298
12. Josetxo Duperou – Bmw M3 – 03:14,316
13. Andoni Mugarza – Renault Clio – 03:14,921
14. Egoitz Mujika – Citroen Saxo – 03:17,421
15. Aitor Arnaiz – Renault 5 – 03:18,112
16. Jon Zuazua – Citroen Saxo – 03:18,850
17. Jon Arregi – Citroen Saxo – 03:18,962
18. Mikel Ugarteburu – Citroen C2 – 03:21,132
19. Aitor Rocha – Citroen Saxo – 03:21,365
20. Ander Corcuera – Volkswagen Golf – 03:22,417
21. Ibon Elordui – Citroen AX – 03:26,128
22. Ion Ander Lasagabaster – Citroen ZX – 03:26,371
23. Alex Velasco – Fiat Uno – 03:27,279
24. Asier Samaniego – Bmw 325i – 03:27,529
25. Iñaki Racamonde – Citroen AX – 03:27,986
26. Joseba Michelena – Renault Clio – 03:28,008
27. Iñigo Errasti – Renault Clio – 03:28,212
28. Guillermo Gil – Peugeot 205 – 03:28,759
29. Rafael Diaz Pulido – Simca Rallye – 03:30,514
30. Jose Antonio Insausti – Opel Kadett – 03:31,190
31. Aner Orue – Bmw 325i – 03:31,335
32. David Zambrano – Renault 5 – 03:31,657
33. Iñigo Aranceta – Peugeot 205 – 03:31,846
34. Oier Gorrotxategi – Peugeot 205 – 03:32,413
35. Joseba Frutos – Citroen AX – 03:32,544
36. Mikel Goya – Renault 5 – 03:33,476
37. Jon Olabe – Opel Corsa – 03:35,196
38. Michel Iribarren – Bmw M3 – 03:35,276
39. Roberto Gomez – Bmw 325i – 03:38,031
40. Marcos Compaire – Lancia Delta – 03:38,065
41. Unai Lopez de Munain – Peugeot 106 – 03:38,836
42. Arkaitz Ordoki – Bmw 325i – 03:40,077
43. Aitor Ramirez – Bmw 320i – 03:40,869
44. Eder Santos – Bmw 318is – 03:41,196
45. Asier Piñel – Volkswagen Polo – 03:43,315
46. Cristina Liebana – Ford Sierra – 03:43,337
47. Mikel Corbillon – Opel Corsa – 03:44,051
48. Jesus de la Fuente – Bmw 316i – 03:44,258
49. Ioritz Alkorta – Opel Corsa – 03:46,810
50. Ibon Alberdi – Bmw M3 – 03:49,531
51. Iker Bilbao – Peugeot 205 – 03:49,916
52. Xabier Amezaga – Bmw 335i – 03:50,559
53. Borja Ramirez – Bmw 325i – 03:50,789
54. Mikel Basterra – Peugeot 205 – 03:50,819
55. Iker Cruz – Bmw 325i – 03:54,800
56. Xemark Iriondo – Bmw 325i – 03:55,969
57. Iñaki Velasco – Peugeot 205 – 03:57,554

Lasterketak atalean idatzia | 0 Iruzkin »

--> Igo gora <--

Bmw 520d GT

Maiatza 20th, 2012 | Santik idatzia

Bmw Serie 5 GT modeloari ere Audi A6 berlinari gertatu zaion berdina pasa zaio, gaman motor indartsuegiak dauzka eta horrek prezioak asko igotzen ditu. Horregatik 184 zaldi ematen dituen 2.0d diesel motorra eransteko erabakia hartu dute alemaniarrek. 520d bezala izendatzen da eta 62.500 euro balio dituen 245 zaldiko 530d bertsioa baino dexentez merkeagoa izan beharko du bezero berriak erakarri nahi baditu.

Ibilgailua haundi xamarra den arren nahiko azkar mugitzen da motor honekin, 100 km/ordura 8,9 segundotan azeleratzen du eta bataz besteko kontsumoak 5,3 litrokoak dira. Gamara datorren 4 zilindroko lehen motorra izango da, nork daki, agian gasolinan ere potentzia baxuagoko mekanikak eduki ahalko ditu denbora gutxi barru. Ez daukagu oraingoz datu gehiagorik, prezioei itxaroten geratzen gara.

Etiketak: , ,
Auto berriak, Berlinak atalean idatzia | 0 Iruzkin »

--> Igo gora <--

Animaliak eta istripuak

Maiatza 19th, 2012 | Santik idatzia

Errepidean goazela eduki dezakegun egoera arriskutsuenetakoa bapatean animalia bat bide erdira irteten denean izaten da. Ez du ematen baina adituek diotenez animalia baten aurka talka egitea beste auto batekin topatzearen parekoa omen da. Gainera animalia altua bada arriskua dago aurreko kristaletik autoaren barrura sartzeko, gu geu eserlekuaren kontra zapalduz.

Nik neuk izan dudan ihesaldirik haundiena Oñatin izan nuen Udanako portua igotzen hasterakoan, ohartu gabe txakur bat irten zitzaidalako autoaren aurrera. Lasai, ez nuen zapaldu eta sustoan gelditu zen dena. Egindago ikerketen arabera badirudi espainia mailan uste baino arazo larriagoa dela, adibidez 2010 urtean guztira 16.000 istriputan izan ziren eragileak animalia gaixoak. Emaitza ez da beti animaliaren heriotzean amaitzen, gidari asko talka eragozteko autoarekin errepidez kanpora irteten dira eta.

Badakizue, egin kasu trafikoko seinaleei eta animaliak igarotzen diren errepide batetik bazoazte hartu harreta gehiago mesedez.

Trafikoa atalean idatzia | 0 Iruzkin »

--> Igo gora <--

Suzuki Splash aktualizatua

Maiatza 19th, 2012 | Santik idatzia

Merkatuan badaude modelo batzu erabat oharkabean igarotzen direnak eta inork ez dituenak ezagutzen. Hauetako bat da Suzuki Splash monobolumen konpaktua, tamaina txikiko autoa japoniarrek Opelekin batera garatu zutena eta alemaniarren gaman Agila izena hartzen duena. Nik neuk pertsonalki ez dut oraindik errepidean inor ikusi auto hau gidatzen.

Dena dela 2012 urteari begira aktualizazio bat jasan berri du, egia esan 4 xehetasun besterik ez dira aldatzen. Aurreko kolpe leungailua eta parrilla desberdinak dira, karrozeria kolore gehiago daude eta barrualdean kalitate altuagoko materialeak agertzen dira. Motorretan 75 zaldiko 1.3 DDIS diesela betirako erretiratu dute 2 gasolina mekaniken alde apostua eginez:

-1.0i gasolina 68 zaldirekin; 100 kilometroan 4,7 litro kontsumitzen ditu 109 gramuko CO2 isurirekin.

-1.2i gasolina 94 zaldirekin; 100 kilometroan 5,1 litro kontsumitzen ditu 118 gramuko CO2 isurirekin.

Beste nobedadeak ekipamenduan aurkituko ditugu, hemendik aurrera posible izango da adibidez ESP estabilitate kontrola, zeharkako airbag poltsak, berogailudun eserlekuak, barneko ordenagailua edo aparkatzeko distantzia sentsoreak bezalako sistemak instalatzea. Uste dut laister agertuko dela anaia duen Opel Agilaren aktualizazioa ere.

Etiketak: ,
Auto berriak, Konpaktuak atalean idatzia | 0 Iruzkin »

--> Igo gora <--

Lancia Voyager 2012 Gama

Maiatza 19th, 2012 | Santik idatzia

Ederki kostatu zaie Lancia etxekoei Voyager monobolumen amerikarraren gama definitzea baina azkenean hemen ditugu bertsio guztiak. Gauza oso erraza ematen zuen, Chrysler etxeko modeloari logotipoak aldatu eta saldu besterik ez zela egin behar zirudien arren Europako gustuetara moldatzea falta zitzaien. Guztira 4 ekipamendu maila daude eta 163 zaldiko 2.8 CRD diesel motorra daramate guztiek. Birritan aipatu dugu 286 zaldiko 3.6i gasolina motorra, hilabeteak pasatzen doaz eta ez da merkaturatzen beraz baztertua izan dela pentsa dezakegu. Horrela gelditzen dira prezioak:

- 2.8 CRD 163 zaldi Silver Automatikoa 40.390 euro
- 2.8 CRD 163 zaldi Gold Automatikoa 44.630 euro
- 2.8 CRD 163 zaldi Gold Plus Automatikoa 46.400 euro
- 2.8 CRD 163 zaldi Platinum Automatikoa 50.490 euro

Etiketak: ,
Auto berriak, Monobolumenak atalean idatzia | 0 Iruzkin »

--> Igo gora <--

Renault Clio Red Bull Racing RB7

Maiatza 18th, 2012 | Santik idatzia

Clio modeloaren belaunaldi berria ate joka dagoen honetan Renaultek agur moduan RS bertsio deportiboaren gainean edizio berezi bat kaleratuko du. Oraingo honetan Formula 1 lehiaketako Red Bull taldearen motor hornitzaileak direla eta bi urtez jarraian munduko txapelketa irabazi izana aitzakia gisa hartuz RB7 izena jarriko diote, lasterketako autoaren berdina. Komertzialki Renault Clio RS Red Bull Racing RB7 bezala eskatu beharko duzu saltokian.

RS arruntetatik desberdintzeko 18 hazbeteko hagun beltzak, karrozeria beltza, horiz margotutako pieza ugari, Cup xaxisa, Recaro markako eserleku deportiboak, argi automatikoak, giltzarik gabe autora sartzeko sistema, botoi bidez motorra pizteko sistema, autoaren datuak neurtzen dituen telemetria monitorea eta sabaian laukiz osatutako pegatina aurkituko ditugu besteak beste. Motorra dagoen bezala utzi da, zehazki 203 zaldi ematen ditu 2.0i gasolina atmosferikoak. Hilabete honetan iritsiko da saltokietara 25.500 euroko prezioarekin.

Etiketak: , ,
Auto berriak, Konpaktuak, Tuning atalean idatzia | 0 Iruzkin »

--> Igo gora <--

136 zaldiko Audi A6 diesela

Maiatza 18th, 2012 | Santik idatzia

Audi marka nahiko ongi ari da igarotzen bizi dugun krisialdi ekonomikoa, azken datuen arabera salmenta propioen errekor guztiak hausten ari dira alemaniarrak. Emaitza hauek ordea kanpoko merkatuetan lortzen dituzte zeren Europa barruan gauzak ez doaz nahi bezain zuzen. Horregatik modelo batzuetan motor ahulagoak sartzen ari dira prezioak jaisteko intentzioarekin, adibidez A6 berlinan.

Gaur egun 177 zaldiko TDI motorra da dieselen artean dagoen merkeena baina laister 136 zaldiko 2.0 TDI ezaguna iritsiko da. Prestazioetan nabaritzen da zaldiak falta zaizkiola autoa arintasunez mugitzeko; 100 km/ordura 10,3 segundotan azeleratzen du, abiadura maximoa 210 km/ordukoa da eta bataz besteko kontsumoak 4,9 litrokoak dira. 6 abiadurako eskuzko kaxa edo kanbio automatikoarekin eskuratu ahalko da. Ez ditugu prezioak esku artean baina 177 zaldikoak 39.000 euro balio dituela ikusirik merkeagoa izan beharko du derrigorrez.

Etiketak: ,
Auto berriak, Berlinak atalean idatzia | 0 Iruzkin »

--> Igo gora <--

Peugeot 3008 Style

Maiatza 18th, 2012 | Santik idatzia

Peugeot 3008 monobolumenak ekipamendu maila berria estreinatzen du, izenekoa. Gamako bertsiorik orekatuena da, hauek dira ekartzen dituen elementu aipagarrienak: bi zonatako klimatizagailu automatikoa, 17 hazbeteko gurpillak, MP3 CD irratia USB hargunearekin, Bluetooth konexioa, abiadura kontrola, aparkatzeko atzeko sentsoreak, barneko ordenagailua, TCS+ESP, barneko ispilu fotosentikorra, euritako sentsorea, argiak pizteko funtzio automatikoa, leiho/ispilu elektrikoak edo lainotako argiak besteak beste.

3 motorrekin loturik joan daiteke ondorengo prezioetan, bi diesel eta gasolina bat:

- 1.6 VTI 120 zaldi Style 20.420 euro
- 1.6 e-HDI 112 zaldi Style CMP Automatikoa 24.170 euro
- 2.0 HDI 150 zaldi Style 25.600 euro

Etiketak: ,
Auto berriak, Monobolumenak atalean idatzia | 0 Iruzkin »

--> Igo gora <--

Garaje Ekin – Bosch Car Service

Maiatza 18th, 2012 | Santik idatzia
Garaje Ekin
This movie requires Flash Player 9
Helbidea: Bulandegi Bidea 15 Poligonoa Goian – 20159 – Zizurkil
Tel: 943 692 684 Fax: 943 249 941
Ordutegia: astelehenetik ostiralera 09:00-14:00 eta 15:00-20:00
Email: garaje.ekin@bosch-bcs.com

Web: www.boschcarservice.es
Zerbitzuak: Marka guztietako autoentzat zerbitzu desberdinak eskaintzen ditugu: mekanika orokorra, elektrizitatea, elektronika, matxuren konponketa, azterketak, diagnosia, mantentze lanak, olio aldaketak, iragazki aldaketak, pneumatikoak, direkzio lerrokatzeak, motelgailuak, balaztak, distribuzio uhalak, diesel zein gasolina motorren injekzioak, Turboak, konpresoreak, IAT aurreko ikusketak, autoentzat osagarriak, soinu ekipoak, ordezko autoa bezeroentzat eta aire girotu sistemen azterketa besteak beste.
Ikusi satelite bidezko mapan

Etiketak: , , ,
Iragarkiak atalean idatzia | Iruzkinak ezgaituta

--> Igo gora <--

Renault Twingo Summertime

Maiatza 17th, 2012 | Santik idatzia

Oraingoz Frantzian soilik kaleratu den arren Renault markak Twingo konpaktu txikiari Summertime izeneko edizio berezia erantsi dio. Baina albistea ekipatzen duen sabai elektrikoan aurkitzen da, oihalezkoa da eta motorizaturik dago barrutik erraz asko ireki dezagun. Irtenbide merkeagoa da noski, gero ikusi egin beharko da urteen poderioz nola mantentzen den.

Bertsio honetan serieko ekipamendura 15 hazbeteko aluminiozko gurpil beltzak, aire girotua, MP3 CD irratia USB hargunearekin, Bluetooth konexioa eta urruneko itxitura zentralizatua gehitzen dira. 4 kolorerekin bakarrik dago salgai eta 2 motorrekin; bata 75 zaldiko 1.2i gasolina eta bestea 75 zaldiko 1.5 DCI diesela. Espainiako tarifak ditudanean adieraziko dizkizuet.

Etiketak: ,
Auto berriak, Konpaktuak atalean idatzia | 0 Iruzkin »

--> Igo gora <--

Lancia Delta, gama laburragoa

Maiatza 17th, 2012 | Santik idatzia

Lancia etsitzen hasi da Delta modeloak dituen salmenta urriekin. Konpaktu hau merkatuan dituen lehiakideengandik oso desberdina da baina agian italiarrek neurriz kanpo balioztatu zuten Audi A3 bezalakoen parean jartzean. Egia da kalitate haundiko amaierak dituela edo ekipamendu aberatsa baina biak parean jartzean erosleek ez dute arriskurik hartzen.

Orain gaman aldaketak egin ondoren nire iritsiz egoera okerragoan utzi dute Delta gaixoa. Hasteko 190 zaldiko 2.0 MJT Biturbo diesela ezabatu egin dute eta 120 zaldiko 1.6 MJT motorra berriz kanbio automatikoarekin erosi beharko da derrigorrez. Modu berean 120 zaldiko 1.4i Turbo gasolina ere ez da eskuragarri egongo hemendik aurrera. Hauek dira prezio guztiak:

- 1.4i Turbo MultiAir 140 zaldi Silver 18.335 euro
- 1.4i Turbo MultiAir 140 zaldi Gold 19.455 euro
- 1.8i Turbo 200 zaldi Automatikoa Platinum 27.465 euro
- 1.6 MJT 105 zaldi Steel 16.970 euro
- 1.6 MJT 105 zaldi Silver 18.495 euro
- 1.6 MJT 105 zaldi Gold 19.615 euro
- 1.6 MJT 120 zaldi Gold Automatikoa 20.935 euro
- 2.0 MJT 165 zaldi Gold 21.295 euro

Etiketak: ,
Auto berriak, Konpaktuak atalean idatzia | 0 Iruzkin »

--> Igo gora <--

Volkswagen Touareg Unlimited

Maiatza 17th, 2012 | Santik idatzia

Pertsonalki horrelako ibilgailu garestietan ez diot zentzu haundirik bilatzen edizio bereziak kaleratzeko estrategiari. Erosle batek ia 60.000 euro auto bat erosten gastatzea pentsatzen badu ez dio asko axolako beherapen txiki bat edukitzea edo ekipamendu mailan 2 elementu gehiago izatea. Dena dela Volkswagen markako Touareg lur orotarikoak Unlimited izeneko bertsioa edukiko du datozen hilabeteetan.

Serieko hornidura ia amaitezina da, horregatik pixka bat laburtuko dut: 18 hazbeteko hagunak, larruzko tapizeria, eserleku termikoak, alarma, nekearen aurkako ohargailua, Bixenonezko argi birakorrak, argi luze/motz erabat automatikoak, abiadura kontrola, egunerako LED argiak, MP3 CD irratia USB hargunearekin, sabaiko barrak, larrialdietarako dei automatikoa, aparkatzeko sentsoreak, 7 airbag poltsa, TCS+ESP sistemak, 4×4 trakzioa edo 8 martxako kanbio automatikoa ez dira falta behintzat.

2 diesel motorrekin eskuratu daiteke, bata 204 zaldikoa eta bestea 245 zaldikoa. Hauek dira prezioak, une hauetan 3.000 euroko beherapena daukate:

- 3.0 TDI V6 204 zaldi 4Motion 58.330 euro
- 3.0 TDI V6 245 zaldi 4Motion 62.650 euro
- 3.0 TDI V6 245 zaldi 4Motion Terrain Tech 64.610 euro

Etiketak: ,
4x4, Auto berriak atalean idatzia | 0 Iruzkin »

--> Igo gora <--

Skoda Octavia Active Plus

Maiatza 16th, 2012 | Santik idatzia

Skoda markak beste ekipamendu maila bat sartu dio Octavia berlina ekonomikoari, modeloaren ekipamendu prezio erlazioa hobetuz. Active Plus deitura jaso du eta serietik datoz adibidez: ABS+EBD, TCS+ESP, egunerako argiak, lainotako argiak, MP3 CD irratia, leiho elektrikoak, klimatizagailua, abiadura kontrola, urruneko itxitura zentralizatua, alboko ispilu elektrikoak, direkzio lagundua edo 16 hazbeteko gurpillak.

2 motorrekin aukeratu daiteke, 105 zaldiko 1.2 TSI gasolina eta 105 zaldiko 1.6 TDI dieselaren artean ain zuzen. Hauek dira prezioak:

- 1.2 TSI 105 zaldi Active Plus 15.900 euro
- 1.6 TDI 105 zaldi Active Plus 17.350 euro
- Familiarra 1.6 TDI 105 zaldi Active Plus 18.550 euro

Etiketak: ,
Auto berriak, Berlinak atalean idatzia | 0 Iruzkin »

--> Igo gora <--

Ssangyong New Action Sport

Maiatza 16th, 2012 | Santik idatzia

Badator belaunaldi berriko bigarren modeloa Ssangyong markaren eskutik, zehazki New Actyon Sport izeneko pickup motako lur orotarikoa da. Korando modeloa izan zen lehena korearrek hasi duten berregituratze prosezuan eta urte gutxi barru gama goitik behera eraberrituta egongo da. Adibidez duela gutxi ikusi genuen nola Actyon eta Kyron modeloak merkatutik erretiratu ziren.

Kapotaren azpian beti 155 zaldiko 2.0 XDI diesela eramango du, motor honen abiadura maximoa 170 km/ordukoa da, azelerazio gaitasuna 360Nm-ekoa eta bataz beste 7,5 litro kontsumitzen ditu 199 gramuko CO2 isurirekin. Bai eskuzko kaxa zein automatikoak 6 abiadura dituzte, azken honetan ordea kontsumoak 8 litrora igotzen dira 212 gramuko CO2 isurirekin. Serietik kasu guztietan 4×4 trakzio sistemarekin loturik doa. Hauek dira 3 ekipamendu mailekin dituen prezioak:

- eXDI200 155 zaldi Base 27.700 euro
- eXDI200 155 zaldi Premium 29.500 euro
- eXDI200 155 zaldi Limited Automatikoa 34.000 euro

- Base: ABS+EBD, TCS+ESP, 4 airbag poltsa, aldapan abiatzeko laguntza, alarma, egunerako argiak, lainotako argiak, direkzio lagundua, aire egokitua, MP3 CD irratia, Bluetooth konexioa, barneko ordenagailua, leiho elektrikoak, alboko ispilu elektriko termikoak eta urruneko itxitura zentralizatua ekartzen ditu.

- Premium: klimatizagailu automatikoa, 16 hazbeteko gurpillak, funtzio anitzeko larruzko bolantea, alboko ispilu tolesgarriak eta USB hargunea gehitzen zaizkio.

- Limited: kanbio automatikoa bolante atzean botoiekin, 18 hazbeteko gurpillak, berogailudun eserlekuak, larruzko tapizeria, abiadura kontrola eta aparkatzen laguntzeko atzeko distantzia sentsoreak gehitzen zaizkio.

Etiketak: ,
4x4, Auto berriak atalean idatzia | 0 Iruzkin »

--> Igo gora <--

Renault Espace 2013

Maiatza 16th, 2012 | Santik idatzia

Badirudi Renault etxeak oraindik beste restyling bat sartzeko asmoa daukala Espace monobolumen haundiari. Auto honek merkatuan 10 urte daramatza eta hobe lukete frantziarrek zuzenean belaunaldi berri bat garatuko balute, lehengo diseinu zaharrarekin bueltaka ibili beharrean. Hiru hitzetan esateko aurreko kolpe leungailua, parrilla eta gurpillen forma besterik ez dira aldatzen irudian ikusten denaren arabera. Salmentak igotzeko asmoarekin badabiltza uste dut jai dauketela, lehiakideek aukera askoz interesgarri eta modernoagoak dituztelako.

Itxura aldaketa arin hau 2013 urtean ikusiko dugu saltokietan eta 2014 urterako programaturik omen dago monobolumenaren ordezkoa. Tamalez gaur egungo egoeran horrelako ibilgailu haundiek protagonismo guztia galdu dute, lur orotariko luzeekin pasa den bezalaxe. Orain jendeak auto txikiagoak eta eraginkorragoak eskatzen ditu, kontsumo eta prezio baxuagoekin. Horregatik daukate monobolumen eta 4×4 konpaktuek horrelako arrakasta, adibidez Nissan Qashqai edo Opel Meriva modeloak aipa daitezke.

Motorrei buruz ez dago daturik baina suposatu nahi nuke Energy teknologiadun dieselak ekipatuko dituela, agian 130 eta 180 zaldiko DCI motorrak. Pixka bat itxaron beharko dugu informazio gehiago jaso arte. Ez zaizue iruditzen Renault hanka sartzen ari dela diseinu honekin?

Etiketak: ,
Auto berriak, Monobolumenak atalean idatzia | 0 Iruzkin »

--> Igo gora <--

Mini John Cooper Works GP

Maiatza 15th, 2012 | Santik idatzia

Mini erasoan dator John Cooper Works GP izeneko bertsio erradikalarekin, Audik aurkeztu duen A1 RS indartsuari erantzunez. Hau betikoa da, marka alemaniarren artean sekulako lehia dago eta norbaitek ohikoz kanpoko modeloren bat aurkezten badu besteek gauza bera egiten dute. Minik sekula izan duen autorik azkarrena da eta 2.000 unitatera mugatu dute produkzioa. Irudian ikusten duzun bezalaxe saltzeko asmoa daukate, ezin da kolorerik ere aukeratu.

Daraman pakete estetikoaz aparte motorra 235 zaldi ingurura indartsu delakoaren zurrumurruak daude eta serietik diferentzial autoblokantea dakar. Horretarako 1.6 gasolina motorrari 2 turbo instalatu zaizkiola dirudi. Basikoki ingelesek autoaren zati guztiak hobetu dituzte azkarragoa izan dadin: atzeko eserlekuak ezabatu egin dira pisua arintzeko, atzealdean aire difusorea darama ke hodi bikoitzarekin, balazta indartsuagoak, altueran doikorrak diren esekidura baxuagoak eta aire sarrera gehiago motorra egokiago hoztutzeko. Kolorre gorrian margoturik doazen piezek ikuti oso deportiboa ematen diote autoari. Urtea amaitzerako merkaturatuko litzateke bolido txiki hau.

Irakurri albiste osoa »

Etiketak: ,
Auto berriak, Deportiboak atalean idatzia | 0 Iruzkin »

--> Igo gora <--

« Albiste zaharragoak